Etchus cochon-net plomb obin pièches

Ech nom i put lonmer : · éch carré rectague obin rond éd plomb-étan dsur élquel en éjette chés pièches · éch tchottain qu’en éjette in preume por povoér él couvér obin l’approchi ·chés étchus éd bronze, d’achier obin d’inosc qu’en fat achteure · pièches ch’est éch darni vocabe qu’en use. Por chés dux darniis, bin seur cha a quite cose à vir aveuc l’argint, argint qu’en gangnot dés fos in juant, obin argint qu’en n’dépinsiot pos por paiyer chés canons, chés gouttes o achteure chés édmis éd bière.

Bin seur, en féra él rapprochemint aveuc élle pétanque d’oc, aveuc chés différinches :
- nos ons dés bourles mains plates
- en a rétréchi éch terran au pus poussibe
- en jue éddins, raremint déhors.
- Ech plomb ch’est souvint à ch’l'éstaminet.
I n’a itou dés érsimblinches :
- en jue pa paires
- en a dux pièches à li (dux bourles dins l’pétanque)
- en put juer in 21 puints
- en értient chés puints dins s’tiête ( en n’lés marque pos dsur ein support).
- I n’a ein pointeux, i n’a ein tireu.
- En conselle, en mésure, en s’indjeule,…

D’quo qu’i feut ?
Plomb éd 40 x 40 cm éd coutié pis 8 mm d’épais 12 kg éd plomb pis 5 d’étan Etchus marquis éd fachon différinte conme audzeur 50 mm éd diamète pis 5 d’épais.

Régues
En tire aveuc ein-ne pièche por échti qui cminche ;
En jue in 15 o 21 puints : 2 paérties pis éch l’érvinche chi ébsoin.
Chés bons jueux is jutent dins chés cuins.
Chés patte-à-gueuche is sont souvint adrot.
Chi ch’tchot i seute in déhors en l’réjette au cminchemint d’élle paértie pos pus d’3 fos sins cha en l’met dins l’mitan obin ch’est l’eute étchippe qu’alle l’éjette.
Elle pièche dsur éch su cha fat 2 puints.
Chi qu’en vinvole éch tchot in juaint, en l’érmet dins l’mitan d’éch plomb.

Ech darnii cocours d’étchus équ j’a vu, cminchemint d’avri, à Bieuvos, in Vermindos, i n’avot 18 étchippes d’ingagées !

Grille pour les voeux 2002


1. N’in fare dés bieux par nut.
2. Pos meuvaise.
3. Chin qu’en offèr.
4. Nos lan-ne.
5. Éd frain-ne pis d’ieu.
6. Nos région.
7. Éd l’implo.
8. Qu’en riche.
9. Dés histoères.
10. Éd ponmes.
11. Dés boins.
12. Qu’alle fuche boin-ne.
13. Quite cose dins ch’Nord.
14. Obin coquile, quéniole.
15. 365 o 366.
16. Qu’en a fourt quèr.
17. Oui por nus.
18. Ein pinchon – ein équerdon-net.
19. Ein-ne rosse.
20. Battu – au chucoulat.
21. In bâtieu – in carette – in aréouplan-ne.
22. Dins ch’chiel normalemint.
23. N’in fare ein-ne boin-ne.

Boin-ne o bon-ne énée 2002 à vus-eutes

Boin-ne énée à Tertous, pis Tertoutes

Qu’éch Picard i l’avanche in Picardie

Qu’nos médjas : jornals, radjos, térévisions, is li don-nchaint él jusse plache qu’alle dot ête élle sien-ne.

Qu’nos honmes poulitiques n’és muchtent pos par drière él Frainchais por én pos fare chin qu’is ont à fare por éch Picard.

Équ l’éducachion nachion-nale, parellemint alle seuche, alle peuche pis alle veuche li laissier, li don-ner plache d’élle tchotte-éschole djusqu’à chés Universitiés.

Qu’chés Picards is fachaint élle jusse plache à chés fenmes, à chés jon-nes dins ch’l'avainchée d’éch Picard.

{{J.P.Semblat por Tertous Gadrus itou}}

Moral quêne rosieu

………………………………..
Conme i li disot cho
Du fin fond d’élle cavée accoeurt aveuc ein-ne furie pos croéyabe
Él pus terribe d’chés vints
Équ nos Nord euche portié édpis l’cminchmint dés Timps.
Ch’l'abe i tient bon, éch rosieu ploe
Él vint érdoubèle sés forches éd tillache
Et fat éd sorte qu’i dérachin-ne Quênord,
Échti qu’sin coupet i tâtot chés neuaches
Pis équ chés piids is poussaint dins lés tonmes éd chés morts.