Tout d’abord autour d’un godet de cidre, Jean-Pierre Semblat célèbre conteur et agitateur culturel picard appartenant à l’association « Tertous Gadrus » leur a comté et chanté quelques aventures, contes et bonnes histoires racontées avec beaucoup d’humour.
Après quelques jeux en Picard, il s’est adonné à sortir quelques noms de personnes du village en Picard. Beaucoup de plaisir mais aussi de la musique avec Robert Lamouret, instrumentiste traditionnel Picard et notamment de la cornemuse accompagnée de François Péry de l’Atelier de l’Orphéon qui ont animé de belle façon ce repas composé de pâté Picard, ficelle Picarde, rôti de porc aux haricots de Soissons, fromage, salade et tarte aux pommes.

In picard, i n’a tout chin qu’i n’a in frainchais : dés éspréchions, d’élle conjudjaison, dés sylon-nymes…, et pis itou des feux-anmis, qu’en lonme paplars ; is érsian-ntent à dés mots frainchais, mains is n’ont pos du tout él meume sins.
Por fare dins « l’humard pis cour » (ju éd mots !) en porrot prin-ne conme preume ézimpe ein-ne éspréchion jarteusse dins ein-ne histoère équ Georges Gry l’a té él prumier à conter : l’ein, Améritchain i dit « good luck » pis l’eute, feux-anmis picard forche, i comprind « goût éd loque » (qui pus est à loqueter !), cha fat ein-ne rude différinche !
Ainchi, en put don-ner quites ézimpes. I ‘s’a « affolé » ésse ganme, pis conme i n’élle l’a pos soégnée, cha ‘s’a « abouté ». Mi, j’vas l’«soégner » por vire éd d’où qu’i l’érvient. Pus qu’éj « cœurs », pus équ chés cœurs is raindon-ntent. Nos ons ésmé ein-ne « route » éd chicons. Dés viux vieux cha n’ézisse mie. « Sintimints » à la fan d’ein-ne lette, i veut miux dire équ ch’est dés bons sintimints !
« Ramon » cha n’est pos ein tchot-nom d’Espangne, cha balie. Mains drôlemint « ran » cha érsian-ne rudemint à ch’«ram » inglais. Por n’in définir : « Min cat i s’cauffe », cha n’est pos du russe, meume chi qu’en l’cante dsur ein air russe li. « Mi j’sais l’Inglais sins l’avoér appris » cha n’a érien à vire aveuc « It’s a long way to Tipperary », seuf éch l’air qu’en cante édsur.

• GLOSSAIRE :
  Balïer : balayer
  Cœurs (éj) : cours (je)
  Jarteusse : humoristique
  Loqueter : laver le sol
  Ramon : balai
  Ran : bélier
  S’abouter : s’infecter
  S’affoler : se blesser
  Sintimint : odeur
  Soégner : surveiller
  Vieux : veaux
  Viux : vieux

MOTS PAPLARS =FEUX-ANMIS

• Dins l’grile-chi i n’a normalemint dés coupes éd mots paplars (feux-anmis)
• Cheutes in picard, is sont in blus
• Cheutes in frainchais is sont in verds
• Ein-ne lette qu’alle est commeune à chés dux, alle est noérte
• Ch’l’inichiale alle est in maigue
• I n’a quate cases qu’en a grisiées (en n’avot érin treuvé por édins)
• Chés mots és litent éd heut in bas – droète à gueuche – bas in heut – gueuche droète
• Conme i né n’a 37, i n’a ein coupe qu’i l’est veuve obin putout 2 picards por in frainchais o l’inverché.

complémint d’ein artique éd l’Aisn-ne Nouvielle d’éch 25 d’avri – J.P.S.

MOTS PAPLARS =FEUX-ANMIS

• Dins l’grile-chi i n’a normalemint dés coupes éd mots paplars (feux-anmis) 
• Cheutes in picard, is sont in blus
• Cheutes in frainchais is sont in verds
• Ein-ne lette qu’alle est commeune à chés dux, alle est noérte
• Ch’l’inichiale alle est in maigue
• I n’a quate cases qu’en a grisiées (en n’avot érin treuvé por édins)
• Chés mots és litent éd heut in bas – droète à gueuche – bas in heut – gueuche droète 
• Conme i né n’a 37, i n’a ein coupe qu’i l’est veuve obin putout 2 picards por in frainchais o l’inverché.

complémint d’ein artique éd l’Aisn-ne Nouvielle d’éch 25 d’avri – J.P.S.

En l’lonme itou éch battu, écore wâtieu picard. En n’don-nera pos ch’l'érchette, pache qu’i né n’a pos qu’ein-ne (caquun i l’arringe élle sien-ne !) ; en put quind meume dire qu’ch’est, l’pus souvint ein riche :

« Bécoeup d’burre, grainmint d’us, cha fat du boin wâtieu battu ! » Ech meule, éspéchial, i l’est meume capieu d’élle confreurie épon-nyme : pus heut, étrot qu’ein à galmiche. Ch’est putout ein-ne pâtichon-nerie éd prume-timps, forchémint, l’momint qu’chés glain-nes is pon-ntent él pus, amon ! En porrot quasimint dire équ ch’est ein wâtieu éd chélémon-nie (Pasques), conme cugnot, rond d’Sint-Nicolas, étrénnettes…, à d’eutes momints d’l'énée.

Ramintuverie d’éch boulinger d’É…, i n’in fasot qu’en appelot gâtieu d’éch boulinger (érchette éscrète) por élle ducasse : en i portot chés us, pis ch’est li qu’i pértrissot (en i inmoénot itou dés ribimbelles éd flans, posiés dsur chés contervints éd portes, i zés cuisot). Por chés érchettes, raviser dsur chés sissites, cha sérot bin l’diape équ vos n’treuvainchaint pos ein-ne érchette qu’alle vos irot. Bin seur éne pos écolomiser dsur éch pértrissage ; élle pâte alle est battue pis érbattue, pus équ cha éyeuve, cha gonfèle. Éne pos rimplir chés meules à coupet. Por éne pos s’étanquer tout à fat, ein-ne gatte éd chide obin éd poéré vos féra avaler conme dins l’canchon-ne : « Intiques, intasses, éne t’otchuppes pos d’échti qui passe ! »
GLOSSAIRE :

• à coupet : à ras bord
• amon : n’est-ce-pas
• ducasse : fête patronale
• échti : celui
• étanquer (s’):étouffer (s’)
• flan : tarte
• galmiche : brioche
• gatte : jatte
• intiquer : enfoncer
• ramintuverie : souvenanc