Capelle Saint-Quentin din éch bous d’Hourlon

saintquentinholnon-d53ef
Qui qu’ch’est qui s’in ramintuve écore ?
In ploein mitan d’éch bous d’Hourlon, i n’a yeu ein-ne capelle : élle capelle Sint-Quintin, qu’alle fasot évnir, i n’a core dins lés énées chinquainte ét dés (mi j’élle l’ai core con-nue étampie), tut ploein éd gins qu’is avaint la foe, qu’is y vnaint él judi éd l’Ascinchion in pocéchion. L’implachemint d’élle capelle i s’avot fat conte ein-ne source (chin qu’i l’ésplique qu’éch l’érémite d’élle légin-ne i s’y avot értiré pos d’lon !).
Élle légin-ne (dourée, forchémint pusqu’éd Sint) alle dit conme cha équ Sint-Quintin qu’i vaulot s’écaper éd cheutes qu’is l’porchuivaint, lés tandis qu’i l’indurot él frod pis él mainque d’ieu, seuremint éd norriture, sin gveu i l’a acoppé pis s’a (obin i s’airot) impiérgé dins ein-ne roque pis éd cha, ein-ne source d’ieu alle s’a mis à coeuler.
Ch’est don à l’plache-làlle qu’en a élvée élle capelle-chi, pis qu’éch ieu d’élle source alle a té rade ércon-nue conme à miraques, él pus por chés mâs éd zius (alorse équ éch sint Quintin i l’étot, li, ércon-nu, dins s’basiléique conme djérisseux éd chés mâs d’ieu (hydropsie conme en dit par ichi) ; chés gins du Vérmindos is n’ont té tout d’chuite rudemint contints pis meume incantés, itou d’eute paért cheutes qu’is étaint amoénés à œuvrer dins, obin alintour, d’éch bos, qu’is croéchaint obin pos ; pus équ cha à n’in boère, à n’in ramoéner à leu mason.
Inhui, achteure, élle capelle alle a té dévian-née par chés timps qu’i n’a fat, pis itou par dés qu’is n’avaint pos grind respect, pis pos miux à fare… Por tut dire chés aurorités éne s’in sont pos non pus grinmint otchuppés.
Élle source alle coeule toudis achteure dins ch’padzous d’élle crype in voussure, qu’alle y ézisse écore. Dés pocéchions d’éch judi d’élle Montiée, i né n’a pus !

 

chapelleholnon3-d5c19

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

*

Vous pouvez utiliser ces balises et attributs HTML : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>