Is étaint tros tiu tchots éfants…

screenhunter_05-dec-20-1352Qu’alle dit élle canchon-ne-histoère-légin-ne dourée. Élle mère alle lés a révillés, is ont déjéné, prind éch crapeud d’leu père por boère ; dux morcheux éd chuque mitan dux tartin-nes éd pan éd six lives. À l’piquette du jur, is sont d’allés gléner mitan d’chés camps. Midi, l’ingélus i l’a son-né, is ‘s’sont arrtés, ‘s’sont défulés, et pis, is ont mié leu pan, bu à ch’crapeud pis ércminché d’gléner. Mains l’solél i l’est queut, l’nut alle étot évnue, lés a surprinds : is étaint perds ! Is ont brait tut ch’qu’is ont seu ! I faulot cacher d’élle lémière, treuver ein-ne mason : is y ont toqué. L’porte s’a ouvère, ch’bouchi i l’a impoégné chés cavieux d’éch grind, éch z’eutes is ont chui dins l’boutique. L’porte érfrémée i lés a tus lés tros gaziotés, débillés, pis décopés in tchots morcheux, mis dins ch’salot conme dés pourcheux. Is étaint tros tiu tchots éfants… Sint-Nicolas à l’but d’sept ans i l’a passié éddins éch camp, i l’a toqué à mon ch’bouchi : «Bouchi vaudros-tu bin m’couquer ? » « Intrez, intrez Sint-Nicolas, i n’a d’élle plache, i n’in mainque pos ! » I n’étot pos d’sitout intré qu’i l’a édmindé à souper. « Volez-vus ein morcheu d’gaimbon ? » « Éj n’in vux pos, i n’est pos bon ! » «Volez-vus ein morcheu d’nos vieu ? » «Éj n’in vux pos, i n’est pos bieu ! » «Du tchot sâlé, qu’i n’a sept énées qu’i l’est dins saloèr, éj vux avoèr ! ! ! » Quinte éch boucher i l’intind cha vite d’ésse mason i s‘in seuve, ah ! ! ! Sint-Nicolas i l’éyeuve tros d’sés dogts, pis à côtié d’éch salot va s’assire, por i dire : «Més tchots éfants qu’is dormaint ilà, ch’est mi éch bon Saint-Nicolas ». Alorse, chés tchots is

réyeuvtent tus lés tros. Éch preume i dit : «J’a bin dourmi », éch l’ésgond dit «Bin mi auchi » et pis l’troésiènme quinte à li : «Éj croéyos d’ête au Paradis ! » Is étaint tros tiu tchots éfants qu’is s’in allaint gléner chés camps…

This entry was posted in Articles et textes. Bookmark the permalink.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

*

Vous pouvez utiliser ces balises et attributs HTML : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>