16 nov 2009

PARLONS PICARD : Éd Picard en dit…

0 Comment

Ecouter le fichier audio

jp-semblat-conteur-diseu-picard-2Chés Francs-Picards : Ch’est dés Picards tout fraincs tout ronds, n’font pos d’mangnières, point d’fachon. Por értreuver leus mâtes, chés quiens normainds ravisent in heut, chés quiens picards érbaitent in bas, porquo ?

 
Pache que chés Normainds is méritent souvint d’ête pindus pis chés Picards is sont quitefos couqués mitan morts-ives. – Tut bon Picard és ravise ! (raviser franchais s’érprin-ne, in picard se regarder). – Pitchié éd Lombard ; rabour éd Picard ; érténue d’Normaind ; patiïnche d’Allemainds ; larguesse éd Frainchois ; loéyeuté d’Ainglois ; bondiuseté éd Bordjignon : chés 8 coses làlles éne veutent mie ein bouchon ! Tut Picard équ j’étos, j’étos ein bon apeute (Racine). La Fontain-ne él dit itou : Biaux chires leups, n’écoutez mie mère tenchent chen fieux qui crie !
Écange : Picard étte mason brûle ! Fuche, j’a l’clef dins m’poque !
Tiête pis fiête éd Picard : éch Picard i l’airot s’tiête tout conte sin bonichon pis i serot bénaise éd bin minger pis boère : chés princhipes éd cabotan d’Lafleur n’él ditent-ti pos : Bin matcher, bin boère pis n’érien foère !
Tut cha ch’est d’l'humard pis cour, i feut éne ête por comprin-ne. Ej sus éd cheutes qu’is ditent : Sez-vus porquo qu’i n’a pos bécoeup d’solél in Picardie ? Bin pache que chés Picards is ont peur éd leu ombe

!

 

GLOSSAIRE :
Bondiuseté : piété
Bonichon : bonnet
Érbayer : regarder
Fieux : fils
Fuche : que ce soit
Humard pis cour : humour picard
Morts-ive : saoul
Rabour : labour
Tenchent : grondant
Veutent : valent

[top]
About the Author


Leave a Reply

Spam Protection by WP-SpamFree