04 fév 2011

PARLONS PICARD – Is ont-ti dés noms d’famile picards ?

0 Comment

Ecouter le fichier audio

02

 

Dins l’Aisn-ne nos ons tros sénateux, pis chinq dépeutés, meume qu’éddins, i n’a dux dépeutées. Cha fat huit in toute. Conme nus-eutes tertous is ont ein nom éd famile. Éddins i ‘n’a-ti qu’is airaint ein nom picard ? Ravisons cha éd pus preus !

Prindons és zés dins l’orde d’éch l’abebibobu por éne pos fare éd différinche. Cheutes d’élle Heute-assimblée por cmincher, chi vos volez, pis d’apreus cheutes d’élle Nachion-nale. Nos n’prindrons pos chés élus d’l'assimblée départémintale étaint don-né qu’i va n’avoèr dés érlections cainton-nales au preume-timps ! ? »Viril » (1), ch’est itou ein d’chés dousse apeutes, vos voéyez-ti qui qu’ch’est ? Sin tchot-nom ch’est itou chti d’ein eute apeute ? ?Chti qui chuit (2), sin nom ch’est chti d’ein village d’éch cainton éd Guise éd d’où qu’ch’est qu’ésse famile alle vérot ? ?Éch troésiènme (3), sin nom ch’est l’pus don-né dins la Picardie, ch’est ch’marichat, ch’l'ouvérier qui travalle él fier. Sin nom i porrot core és décrire aveuc ein  »-b- » o core ein  »-bu- » éddins ? Chés dépeutés achteure ! ?In Normindie pis Picardie (4) en treuve éch nom d’famile-làl, conme dins chés canchons éd gesse, nos n’osons meume pos dire quée signifiïnche équ cha a, por éne pos frossier ch’l'élu-làl ; chin qu’en put dire ch’est qu’sin nom pis éch sins d’échti-chi, cha s’définit l’ein pis l’eute par  »-and » ! ?Eute dépeuté (5), seuremint ouriginaire d’ein villache, élquel ? pusque sin nom i cminche par de-, él mon-ne d’éch cmin d’fier cha li dit quitecose ! ?Inchien frainchais (6), picard d’achteure nos eute dépeuté i l’a yeu ein tayon qui torsignot chés rameux qu’en fasot (fat core) dés péniers, dés man-nes, dés corbelles, qu’élle montan-ne couron-née i con-not itou. ?Ch’est ein villache éd la Sonme (7), aveuc  »-y » à l’fin, qu’i l’est à l’ourigine d’éch nom d’ein-ne dépeutée d’élle 2ème chirconscrichion éd l’Aisn-ne. ?Chti obin chelle qu’alle a ein arrière-fieuf (8), adon qu’alle dépindot d’échti qui dépindot, vlà por ch’darnier nom : vasseux éd vasseux. ?N’oblions pos non pus chti qui l’est  »courbeu illusse » ! (9) chi qu’i n’est pos dépeuté à ch’momint-chi, i l’a té, pis pus, pis core, pis pus ! Éz-vus

értreuvé lés eins pis lés eutes ? Forchémint, in déduisant l’ein pis l’eute.


GLOSSAIRE
abebibobu : alphabet
preume-timps : printemps
apeute : apôtre
vérot : viendrait
sins : sens, signification   
tayon : bisaïeul
torsigner : tresser            
man-ne : manne
arrière-fieuf : fief d’un autre fief

QUI EST-CE ?
(1) ANDRÉ Pierre
(2) DAUDIGNY Yves
(3) LEFÈVRE Antoine
(4) BALLIGAND Jean-Pierre
(5) DESALLANGRE Jacques
(6) DOSIÈRE René
(7) GRUNY Pascale
(8) VASSEUR Isabelle
(9) BERTRAND Xavier

[top]
About the Author


Leave a Reply

Spam Protection by WP-SpamFree