PARLONS PICARD – Ouvérier !

Cha n’est pos échti qu’i l’ouvère, écore équ… ch’est chti qu’i l’oeuve. Ch’est, obin putout ch’étot, pusque ch’est ein-ne éspèche in voée éd dischnizon. Ouvérier tisseux o lancheux , manouvérier (qui travaillot éd sés mans, forchémint), ouvérier métallurgisse, mécanichien éd carrettes obin éd cinse, ouvérier du bâtimint, pis chés ouvérières aveuc leus bleudes. Ouvérier, tchot-fius d’ouvérier, ouvérier li-meume, ch’étot ein hon-neur, meume chi éch l’uniforme d’éch l’ouvérier cha n »étot équ dés blus éd cauffe pis ein-ne castchette parelle. Frémions éd l’industrie éd l’eute sièque o core ouvérières d’éch catoère-magasin. Achteure, pus rin éd tout cha ; en est OS in bas d’éch l’équelle, O.Q. (équ cha fat grossier !) o O.H.Q. (écore pus !) O.P. (qu’cha vient du meume indrot !) por éch profeuchion-nel. I n’in resse core quites resses nobes : mâte ouvérier, ouvérier d’éch tour-éd-Frainche, meillieux ouvérier d’élle meume Frainche pis chti d’ein-ne énée. Ch’est à l’pied d’éch mur qu’en vot éch l’ouvérier manchon : ch’étot à l’oeuve

qu’en voéyot ch’l'ouvérier (cheuf-d’oeuve). Chés ouvériers d’achteure éne sont pus mâtes éd leus outieux, is n’in sont ésclafes. Sully, éch Prudhonme, i l’disot li : « Éch raboureux m’a dit in reuve gratte élle tierre pis seume, ch’boulinger m’a dit éd fare min pan mi-meume, pis ch’manchon éd prin-ne éme truelle dins m’man !: » Sins eusses eutes tout chin qu’i n’a autour éd nus, i n’ézisterot pos. I sérot pététe timps équ nos sochiété alle érvoiche élle plache dins ein Mon-ne d’où qu’en porrot core itou fare in Frainche pis meume in Picardie, amon !

GLOSSAIRE
Bleude : blouse
Carrette : voiture
Catoire : : ruche
Dischnizon : disparition
Ervire : revoir
Fare : fabriquer
Frémion : fourmi
Magasin : atelier
Manchon : maçon
Outieux : outils, machines
Ouvérier : ouvrier

This entry was posted in Articles et textes. Bookmark the permalink.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

*

Vous pouvez utiliser ces balises et attributs HTML : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>