El’a don ércminché à canter, dsur ein-ne branque pos trop heute, ni basse non pus. En ’l’intind ésse canchon-ne : « Pirlouït Rintintin, tchot Batisse touït ! » obin core « Sème, sème éj sèmerai bin éme tchotte canchon ! » J’a meume, ein bieu jur, dins l’cade d’éch Goncourt d’élle Nouvielle, à « Bellinglise, biélle églisse… » acouté ein décriveux belge, qui vivot dins l’sud-oues éd la Frainche pis qu’i l’étudiot chés cants régionals d’éch pinchon : pusqu’à caque région, i n’airot ein-ne fachon pinchon-ne éd canter (conme nus eutes !). Elle fémelle a n’cante pos, bin seur ! Chti d’chés Arden-nes i l’est édjà vinvolé à s’mason.