Sint-Quintin min patelin

118474-004-41a0c026

ÉRFRAN

Ah ! min Sint-Quintin

Min bieu patelin

Conme éj t’ainme bin

J’airois du chagrin

Chi j’té quitteros édmain


Dins Sint-Quintin, tut l’mon-ne i connot

Pus d’ein-ne ménagère au fraique minos

Équ pindaint qu’leus honmes sont au turbin

Is font boulir leus lambiques souvint

Is fraint miux d’ratassieuder

Leus coeuchettes qu’alles sont treuées

Qu’toudis édviser

D’leus voésins et pis d’éch tchuré


I feut dire itou qu’i n’a dés honmes

Qui vos pren-ntent toudis conme biêtes éd sonme

Is n’sont meume pos dines d’avoèr ein-ne fenme

Is n’saitent meume pos leu conter leu flanme

À l’plache éd vos câliner

N’font qu’éd vos inguirlainder

Chi ch’est cha l’amour

Vos n’vaudrez pos qu’cha durche toujours

Dins nos bielle tchotte ville éd Sint-Quintin

En intind chés gins és ploin-nent souvint

Équ nos peuve conmerche i n’va pos fort

Pis là-dsur m’z’anmis nos sons d’accord

Et portaint toutes chés jon-nettes

Alles portent dés jolies toélettes

En n’ercon-not pus

Chés peuves d’aveuc chés riches d’étchus

Ein ménache n’est pos toudis d’accord

Por ein-ne bagatelle en crie d’troup fort

À m’mason conme mon z’eutes croéyez bin

Ch’est ilà, souvint l’tort éd troup d’gins

Por ein-ne blague, ein-ne bagatelle

Éch conmichaire en appelle

Janmas en n’appelle

Por qu’i vienche étnir l’caindelle

Pis achteure chi m’cainchon-ne alle vos plaît

Vos povez tertous m’élle l’acater

Vos n’airez pos d’érgret au contraire

Janmas a n’vos don-nera invie d’braire

Vos l’ércainterez dins vos lit

In montaint ou paradis

Pis chi cha vos plaît

Vos porrez souvint l’répéter

This entry was posted in Articles et textes, Chansons et Fables. Bookmark the permalink.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

*

Vous pouvez utiliser ces balises et attributs HTML : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>