14 déc 2008

LEGIN-NE SINT-nicolas

0 Comment

Ecouter le fichier audio

nicola1Érfrain
Is étaint tros tiu tchots éfants
Qui s’in allaint gléner chés camps.

I – Mitan d’chés camps is ont gléné
Du soél, d’l'écorgeon pis du bléd :
Dés pognons, dés glènes, dés guerbées
S’sont intassiés dsur éch crinquet.

II – A l’Ingélus is ont mingé
A l’érchiner is ‘s’sont arrtés.
D’ein coeup l’soulel l’est cuerbuté
Leu cmin is n’ont pus értreuvé.

III – Éch tchot guifèle, éch moéyin brait
Ch’grind cache por éy yeus éraller.
Élle nut l’est noére, éch bos chorchlet,
Quo qu’ch’est qu’leu mère alle dot tran-ner !

IV – Dsu ch’cmin is toqutent à mon ch’bouchi
« Bouchi, vaudros-tu nos couchi ? »
« Intrez, intrez més tchots éfants,
I n’a d’élle plache, tellemint qu’ch’est grind ! »

V – Is n’étaint pos d’sitout intrés
Équ nos bouchi i lés a twés ;
Lés a copés in tchots mourcheux,
Mis dins ch’salot conme dés porcheux.

 

nicolas-2VI – Sint-Nicolas à l’but d’sept ans,
Vient à passier éddins éch camp,
S’in va buquer mon d’éch bouchi,
Li dmin-ne chi i n’vaudrot pos l’logi.

VII – « Intrez, intrez, sint Nicolas,
I n’a d’élle plache, i n’in mainque pos. »
I n’étot pos d’sitout intré,
Qu’i l’a édmindé à souper.

VIII – « Du tchot salé, éj vux avoèr
Qu’i l’a sept énées dins ch’saloèr ! »
Quinte éch bouchi i l’intind cha,
Ouste d’ésse mason, rade i s’in va.

IX – Bouchi, bouchi, n’ét seuve don pas
Érpins-t-té, Diu ét pardon-nera.
Sint Nicolas i va alorse s’assir
Dsus l’bourd d’éch salot por y dire :

X – « Més tchots éfants dormaint ilà,
Ch’est mi, éj sus sint Nicolas. »
Éch sint i l’étind don tros dogts,
Chés tchots is s’réyeuvtent tus lés tros.

XI – Éch preume i dit : «  J’a bin dourmi ! »
Éch duxiènme dit : « Bin mi ouchi ! »
Pis éch troésiènme quinte à li :
« Éj croéyos d’ête au Paradis ! »

[top]
About the Author


Leave a Reply

Spam Protection by WP-SpamFree